As vivendas de uso turístico en Galicia están a salvar a tempada marcada pola COVID-19. Dende Aviturga explican que pecharon o mes de xullo cun 68% de ocupación; un dato que está lonxe das previsións de principio de ano, pero que permite ser optimistas no escenario coronavirus. Así as cousas, a incerteza xeral tamén afecta ao sector, que traballa sobre todo con reservas de última hora.
