Coas vivendasde aluguer turísticodende 2016.

Nace en Portonovo (Pontevedra), capital autonómica do turismo e berce do alugueiro vacacional en Galicia desde hai décadas, polo interese dun grupo de propietarios de vivendas turísticas de organizarse e dar voz ao novo modelo de aloxamento que estaba a crecer rápidamente a nivel mundial debido, entre outros elementos, á dixitalización e a globalización.

A Xunta de Galicia regula as vivendas de uso turístico, define as súas características, requisitos e incorpóraas ao Rexistro de Empresas e Actividades Turísticas da Axencia de Turismo de Galicia. Desde ese mesmo momento, puxémonos en marcha para axudar aos nosos asociados no seu proceso de regularización e organizamos xornadas de sensibilización sobre esta nova tipoloxía de aloxamento por toda Galicia.

En 2018 alcanzamos implantación autonómica. Estamos presentes en + de 100 localidades. Contamos con asociados en todas as cidades de Galicia e todas as zonas turísticas da nosa comunidade, tanto de costa como de interior.

Estamos comprometidos coa formación e profesionalización dos asociados, que converten as súas vivendas no fogar temporal dos turistas que nos visitan, transfórmanse en anfitrións da nosa terra e mostran a riqueza, cultura e diversidade que aínda se esconde na nosa comunidade.

Apostamos pola innovación e as tecnoloxías que melloren a rendibilidade das vivendas e dispoñer de ferramentas propias de promoción turística. Por iso lanzamos VITGAL, a primeira central de reservas de vivendas turísticas de Galicia.

Dando un paso máis cara á dixitalización e a formación dos nosos anfitrións e anfitrioas, en 2020 desenvolvemos a plataforma en liña da nosa “Escola de anfitrións”.

Legalíciate é unha plataforma que che guía de maneira intuitiva nos pasos para dar para formalizar o rexistro da túa Vivenda de Uso Turístico, paso previo para poder alugala cumprindo os requisitos da normativa vixente en Galicia.

Participamos no primeiro Congreso internacional de vivendas vacacionais en Tenerife e participamos con caseta propia na Feira do Camiño de Santiago (Fairway 2021)

Integrámonos como asociación representativa das vivendas de uso turístico no Clúster de Turismo de Galicia